Нұр-Сұлтан қаласы Білім беру басқармасы биыл 175 жылдық мерейтойы тойланғалы отырған қазақтың бас ақыны Абай Құнанбайұлының жырларын жатқа оқудан #абайдыоқытаңырқа челленджін жариялады.
⠀
«Құрметті, ата-аналар! Елімізде төтенше жағдайлар орын алғаны баршаға белгілі. Дегенмен, еңсемізді түсірмей, Елордамыздың бүлдүршіндерін жаңа дүниені білмекке шақырамыз. Оқу-білім қашан да көкірек көзін ашатын рухани азық болып қала бермек», — делінген Білім басқармасының мәліметінде.
Челленджге қатысу үшін ата-аналар балаларымен бірге Абай өлеңдеріне бір минуттық видео түсіріп, аты-жөнін жазып және #ABAI175JYL #ABAI175LET хештегімен @modernastana инстаграмм парақшасына жүктеуі тиіс.
⠀
Челлендж сәуір айының 15-іне дейін жалғасын табады. Ең көп лүпіл жинаған видео Нұр-Сұлтан қаласы Білім беру басқармасының ресми парақшасына жарияланады.
Нұр-Сұлтан қаласында 19 наурыздан бері карантин енгізілуіне байланысты, мектеп оқушылары мен балабақша тәрбиеленушілері демалысқа жіберілді.
Нұр-Сұлтан қаласы әкімдігі