Құрметті жерлестер, ертең Өскемен және Семей қалаларындағы әр отбасы5а шектеу шаралары туралы толық ақпарат жазылған «Дидар», «Рудный Алтай» газеттері тегін таратылады.
⠀
Ал әзірге, рұқсат қағаздарын қайда, қалай алуға болатынын айтып өтсем.
⠀
Қала тұрғындары үшін 2 түсті рұқсат қағазы қарастырылған.
Ақ – тақ санды, жасыл – жұп санды күндері жүруге мүмкіндік береді.
⠀
Рұқсат қағаздарды 2 қаланың көппәтерлі үй тұрғындары жеке пәтер иелері кооперативі (КСК), кондоминиумдар арқылы алады.
⠀
Өскемен қаласының жер үй тұрғындары жергілікті өзін-өзі басқару комитеттері арқылы, Семей қаласында арнайы жылжымалы тарату орындарынан алады. Бау-бақша кооператив тұрғындарына бұл қағаздарды төрағалар береді.
⠀
Аталған орындар 2 сәуірден бастап күн сайын 8.00-ден, 24.00-ге дейін демалыссыз жұмыс істейді.
⠀
Ақ немесе жасыл талондар автокөліктің мемлекеттік нөмірі, көлігі жоқ болса, үйдің нөміріне сәйкес беріледі.
⠀
Естеріңізде болсын, бұл рұқсат қағаздар жеке куәліксіз жарамсыз!
Сұрақ туындаған жағдайда қалалық әкімдіктерге хабарласыңыздар!
⠀
Сондай-ақ, қашықтықтан сатып алу және жеке байланыссыз, тегін жеткізу қызметі 70 жастан асқан адамдар мен І, ІІ топтағы мүмкіндігі шектеулі жандарға арналған.
⠀
Жинақтың орташа құны:
«Бірінші стандарт» — 4200 тг.
«Екінші стандарт» — 6800 тг.
«Үшінші стандарт» — 11350 тг.
«Төртінші стандарт» — 12500 тг.
⠀
Өтінім берген кезде азаматтар ЖСН, мекен-жайын, байланыс деректерін, төлем тәсілдері мен жинақтың атауын көрсетеді.
Төлем қолма-қол немесе банк картасымен жүргізіледі.
⠀
Өскемен қаласында өтінімдер тәулік бойы 109 нөмірі арқылы қабылданып, жинақталады. Жеткізу күнделікті 8.00-ден, 20,00-ге дейін жүзеге асады. Семей қаласында да күн сайын 7.00-ден, 19.00-ге дейін, 8(7222)52-12-12 телефоны бойынша қабылданады.
⠀
Тапсырыс аптасына 1 рет, тек стандартқа кіретін тауарлар бойынша жасалады.
⠀
Сұрақтармен Call-орталықтарына — 1331, және 8775-34-44-077 нөмірлеріне хабарласуға болады.
Шығыс Қазақстан облысы әкімі Даниал Ахметов