Елорда емханаларында дене температурасын өлшейтін құрылғы орнатылды-деп хабарлады Нұр-Сұлтан қаласы әкімдігі. Емханаларға келушілердің дене температурасы автоматты түрде өлшеніп, коронавирус белгілерін біледі.
⠀
Қалалық емханаларда дене температурасын өлшейтін тепловизорлар пайда болды. Температураны автоматы түрде өлшеуге арналған құрылғы кіре берісте орнатылады. Егер келушілердің немесе дәрігерлердің біреуінде аурудың алғашқы белгілері болса, құрылғы бірден дабыл қағады.
⠀
Қалада жеке демеушілер есебінен, атап айтқанда кәсіпкер Нұрлан Смағұловтың қолдауымен дене температурасын бақылайтын алты құрылғы орнатылды. Елорда әкімдігі білдірген қолдауы үшін алғыс білдіреді.
⠀
«Бүгін күндіз температурасы 37 градустан жоғары бір келуші болды. Сол сәтте құрылғы бірден белгі берді. Дәрігерлер оны респираторлық ауру белгілері бар пациенттерді қабылдайтын арнайы кабинет арқылы өткізді. Барлық қажетті іс-қимылдар мен тексеру жұмыстары алгоритм бойынша орындалды. Сондықтан бұл шлюз өте ыңғайлы. Емхана қызметкерлері де тепловизор арқылы тексерістен өтетінін айта кеткім келеді», — дейді №5 қалалық емхана басшысы Алтыншаш Табулдина.
⠀
Айта кетейік, елорданың медицина мекемелерінде және адам көп жиналатын орындарда дезинфекциялық тоннельдер орнатылып жатыр.
Нұр-Сұлтан қаласы