Су арнасынан адам мәйіті табылғаны туралы Алматы облысы полиция департаментінің бастығы Бауржан Аленов мәлімдеді.

2023 жылғы 14 тамызда Еңбекшіқазақ ауданы ПБ-ға Қайназар ауылдық округінің аумағындағы «ҮАК» су арнасынан азиялық келбетті ер адамның мәйіті табылғаны туралы хабарлама келіп түсті.
Аталған дерек ҚР ҚК-нің 99-бабының 1-бөлігі (кісі өлтіру) бойынша полицияда тіркеліп, сотқа дейінгі тергеу амалдары басталды. Тергеу іс-шарасы кезінде қаза тапқан адамның жеке басы анықталды, ол Өзбекстан Республикасының 26 жастағы тумасы болып шықты.
17.08.2023 жылы жедел-іздестіру іс-шаралары барысында полиция қызметкерлері 1984 жылғы күдіктіні анықтап, ұстады. Ол жауап алу кезінде өз кінәсін толық мойындады.
Қазіргі уақытта сот-медициналық сараптама тағайындаумен барлық қажетті тергеу шаралары жүргізілуде. Ұсталған адам заңнамада белгіленген тәртіппен қамауға алынды. Тергеу мүддесі үшін өзге ақпарат жария етуге жатпайды.