Төлеби ауданы Ленгір қаласы №7 жалпы орта мектебінде болған оқиғаға байланысты ақпарат бойынша Төле би ауданы әкімдігі хабарлайды:
Төлеби ауданы Ленгір қаласы №7 жалпы орта мектебінде болған оқиғаға байланысты ақпарат.
2019 жылдың 12 қыркүйек күні аталмыш мектептің 10 сыныптың А. есімді оқушысы жолдан белгісіз флакон тауып алып, сағат 10.37-де үзіліс уақытында тауып алған флаконды әтір деп мектеп ғимаратының бірінші қабатындағы дәлізінде сепкен. Соның салдарынан балалар жөтеліп, 26 оқушы 2 мұғалім мен 1 техникалық қызметкерге алғашқы медициналық көмек көрсетілген. Мектеп әкімшілігі тарапынан 70 қызметкер мен 711 оқушы сыртқа эвакуацияланып үйлеріне қайтарылған.
Қазіргі таңда, 8 оқушы ауруханаға орналастырылып, денсаулықтары дәрігерлердің бақылауына алынған.
Аталған дерек бойынша аудандық полиция бөлімімен тергеп тексеру амалдары жүргізілуде.
Түркістан облысы