«Нұр жолы» кеден бекетінің 8 лауазымды тұлғасының қылмыстық іс-әрекетінің жолы кесілді-деп хабарлады ҚР Сыйбайласжемқорлыққа қарсы қызметі.
Алматы облысының сыбайлас жемқорлыққа қарсы қызметі ҚР ҰҚК әскери қарсы барлау және Қазақстан Республикасының Бас көлік прокуратурасымен бірлесіп, ауқымды іс-шараны өткізу барысында Алматы облысы Мемлекеттік кірістер департаментінің «Нұр жолы» кеден бекетінің 8 лауазымды тұлғасының қылмыстық іс-әрекетінің жолын кесті.
Қазақстаннан ҚХР-ға қарай жол жүру үшін бейресми төлем түрінде қалыптасқан «таксаға» байланысты ұзындығы 30 км-ге дейінгі үлкен кептеліске қатысты лауазымды тұлғалар құқық қорғау органдарының назарына түсті.