Ақтөбеде ҚАЖ департаментіне қарасты КА-168/1 (тергеу изоляторы) мекемесінің режим және күзет бөлімінің қызметкерлері мекемеге келген сәлемдемені тексеру кезінде айранның қорабына мұқият жасырылған ұялы телефон мен «active» және «Beeline» сим карталарын тәркіледі.
Тыйым салынған заттарды 52 жасар А.Р. есімді қала тұрғыны абақтыда «адам денсаулығына қасақана ауыр зиян келтірді» деген айыппен тергеуде отырған күйеуіне айран қорабының ішіне жасырып, бермек болған.
«Азаматша А.Р. өз түсініктемесінде кінәсін толық мойындады. Құқық бұзушыға ҚР ӘҚБтК-нің 481-бабы бойынша хаттама толтырылып, іс Ақтөбе қаласының мамандандырылған әкімшілік сотына жолданды»
Ақтөбеде ҚАЖ департаменті