Жүргізуші куәлігін жасап беремін деп алаяқтыққа барған. Бұл туралы Түркістан облысының полиция департаменті хабарлады.
Сарыағаш аудандық полиция бөлімінің қызметкерлері жедел-іздестіру жұмыстарын жүргізу барысында бұрын алаяқтық қылмысы бойынша сотты болып, қайта қылмысқа барған 27 жастағы күдікті тұрғынды ұстады.
Белгілі болғандай, күдікті жігіт бейтаныс тұрғынның сеніміне кіріп, «жүргізуші куәлігіңді жасап беремін» деп жалған уәде берген. Жәбірленушіден алдын ала 350.000 теңге ақшасын алып, байланысын үзген. Қазіргі таңда күдікті жігіт қамауға алынып, іс сотқа жолданды.
