Ағымдағы жылдың 23 шілдесінде 22 сағат 23 минут шамасында Дағдарыс жағдайларында басқару басқармасына А. Сүлейменов көшесі №1 мекен-жайдағы «Луна» қонақ үйінің ғимараты жанып жатқаны туралы хабарлама келіп түсті. Өрт сөндіру бөлімшелері оқиға орнына келген соң, ғимараттың шатырынан қою түтін шығып жатқанын көрді. Қонақ үй кешенінің келушілері мен қызметкерлері өз күштерімен қауіпсіз жерге көшірілді. Өрт орнында жедел штаб құрылды. Өрттің жалпы аумағы 120 шаршы метрді құрады. Өрт 23 сағат 42 минутта оқшауланып, 00 сағат 04 минутта толық жойылды. Өрт салдарынан қаза болғандар мен зардап шеккендер жоқ.
Төтенше жағдайды жоюға төмендегі күштер мен құралдар, атап айтқанда: ТЖД және «Өрт сөндіру қызметінің» 32 қызметкері мен 10 техникасы, Қызылорда қаласы полиция басқармасының 10 қызметкері мен 4 техникасы, жедел жәрдем бригадасынан 3 қызметкер мен 1 техника, ҚРЭК-нің 3 жұмысшысы мен 1 техникасы және «ҚазТрансГазАймақ» АҚ-ның 3 өкілі жұмылдырылды.
Өрттің шығу себебі мен шығыны анықталуда.

Қызылорда облысы ТЖД