Ағымдағы жылдың 17 мен 21 қыркүйек аралығында Түркістан облысының аумағында «Қару» республикалық жедел-профилактикалық іс-шарасы болып өтті. Іс-шараның негізгі мақсаты – қарумен жасалынатын қылмыстың алдын алу және заңсыз сақталған қаруды анықтау болып табылады. «Қару» жедел-профилактикалық іс-шарасының 5 күнінде туркістандық полицейлермен 64 дана заңсыз қару тәркіленді. Оның ішінде — 2 ойықұңғылы, 55 -аңшылық, 4 газды тапанша, 2 травматикалық және 1 электрлі. Түркістан ҚІІБ қызметкерлерімен ауыл тұрғынынан тіркелмеген 16 калибрлі аңшылық қаруы және 2 оқ-дәрі тәркіленіп алынды. Ал Мақтарал ауданында тәртіп сақшылары жергілікті тұрғыннан 1959 жылы шығарылған ТОЗ-8 карабинін тәркілеп алды. Қазіргі таңда сараптамалар тағайындалды. Барлық жайттар СДТБТ-не Түркістан облысы ІІД құрылымдарында «қаруды, оқ-дәрілерді заңсыз сақтау» бабы бойынша СДТБТ-не тіркелді. Сотқа дейінгі тергеу амалдары жүргізілуде. Түркістан облысы ІІД «Қару» операциясы барысында учаскелік инспекторлармен 7 мыңнан астам қару иелері тексеріліп, заңсыз қару сақтау ережелерін бұзғаны үшін 429 азаматқа қатысты әкімшілік хаттамалар толтырылды.
«REVIZORRO»
Түркістан облысы